पूर्व प्रधानमन्त्री एवम् जनता समाजवादी पार्टीका नेता डा. बाबुराम भट्टराईले सरकारलाई श्रमजीवि पत्रकारहरूको आवाज सुन्न आग्रह गरेका छन्।
ठूला र प्रतिष्ठित भनिएका विभिन्न सञ्चारमाध्यमले कोरोना महामारीकै बेला जागिरबाट निकालेका तथा सेवासुविधा नपाएका पत्रकार एवम् कर्मचारीहरू यतिखेर बिजुलीबजारमा पाँच दिने रिले अनसनमा छन्।
अनसनमा रहेका पत्रकारहरूको आन्दोलनमा ऐक्यबद्धता जनाउन भट्टराई शनिबार बिहान बिजुलीबजार पुगेका थिए।
पत्रकारले श्रमको मूल्य नपाएपछि आन्दोलन चर्किँदै अनसनरत पत्रकारहरूसँग कुरा गर्दै डा. भट्टराईले सुसूचित गर्ने भूमिकामा रहेका पत्रकारहरू नै शोषणमा परेर सडकमा आउनु दुर्भाग्यपूर्ण भएको बताउँदै पत्रकारलाई सडकमा आउन बाध्य नपार्न मिडिया हाउसहरूलाई आग्रह गरे। बनाइएका ऐन/कानून पालना नगर्नेहरूलाई राज्यले कारबाही गर्न नसक्नु दु:खद भएको उनको भनाइ थियो।
