उपत्यकामा कोरोना संक्रमितको संख्या वढन थालेपछि उपत्यकाका तीनै जिल्लामा पुनः निषेधाज्ञा लगाउन भक्तपुर नगरपालिकाले सरकारसँग माग गरेको छ ।नगरपालिका स्तरीय प्रकोप व्यवस्थापन केन्द्रको आइतबार बसेको बैठकले काठमाडौं, ललितपुर र भक्तपुरमा पुनः निषेधाज्ञा लगाउन आग्रह गर्ने निर्णय भएको नगर प्रमुख सुनिल प्रजापतिले जानकारी दिए ।
पछिल्लो समयमा ‘उपत्यकामा दैनिक संक्रमण दर बढदै गएको र । यसले उपत्यकावासीमा संक्रमणको खतरा बढ्दै गएको संकेत गरेको कारण पुनः लकडाउन वा निषेधाज्ञा लगाउन माग गरिएको वताइएको छ ।
दसैंको समयमा भीडभाड बढेर कोभिड १९ को संक्रमण फैलिन सक्ने सम्भावनालाई मध्यनजर गर्दै नगरपालिकाले नेपाल सरकारलाई विगतमा जस्तै अतिआवश्यक सेवाबाहेकका अन्य सेवाहरु बन्द हुने गरी पुनःनिषेधाज्ञा गर्न अनुरोध गर्ने निर्णय भएको छ ।
