काठमाडौँको थलीमा घरमाथि टिपर पल्टिदा सुतिरहेका श्रीमान् श्रीमतीको घटनास्थलमै मृत्यु भएको छ।
बा ५ ख २५११ नम्बरको टिपर शनिबार बिहान सवा ४ बजे टिपर घरमाथि पल्टिदाँ नुवाकोट घर भएका साइला तामाङ र जयन्ती तामाङको मृत्यु भएको प्रहरीले जनाएको छ ।
काठमाडौँको गोकर्ण रिसोर्ट नजिक थली ओरालोमा बालुवा बोकेको टिपर एक अस्थायी घरमा पल्टिएको हो ।मृतक श्रीमान् श्रीमतीको शव पोस्टमार्टमका लागि शिक्षण अस्पताल महाराजगन्ज पठाइएको छ।
टहरामा पल्टिएको टिपरलाई क्रेनको सहयोगमा निकाल्ने काम भइरहेको घटना स्थलमा खटिएका प्रहरीले जनाएको छ।प्रहरीले टिपर चालक गोविन्द घलानलाई नियन्त्रणमा लिएर थप अनुसन्धान आगि बढाएको छ।
