कालिका तामाङ नारी प्रतिभा पुरस्कार गुठीद्वारा असोज २१ गते विहीबार स्वयम्भूस्थित तामाङ कुदाप दिम रेस्टुरेण्टमा ‘कालिका तामाङ नारी पुरस्कार २०७८’ वितरण गरियो /प्रमुख अतिथि नेपाल सरकारका पूर्वसचिव धनबहादुर तामाङले मौलिक तामाङ गीतकार रञ्जना मोक्तान र कवयित्री रचना मोक्तानलाई कालिका तामाङ नारी प्रतिभा पुरस्कारद्वारा सम्मानित गरिएको छ ।
कालिका तामाङ नारी पुरस्कार २०७८’ वितरण समारोहलाई प्रमुख अतिथिको रुपमा सम्बोधन गर्दै म छ वर्षको उमेरमा स्कुल टेक्दासम्म नेपाली खस भाषा बुझ्दिन थिएँ । तामाङ मात्र बुझ्थेँ ।’, उनले आफैंलाई उदाहरुणको रुपमा प्रस्तुत गर्दै भने, ‘स्कुल गएपछि नेपाली भाषा सिकेँ । स्कुलमा सँधै प्रथम भएँ । एसएलसी सकेपछि काठमाडौं अस्कल (अमृतय साइन्स क्याम्पस)मा पढ्न आएँ । त्यहाँ अंग्रेजीमा पढाइ हुन्थ्यो । अंग्रेजी सिकेँ । त्यसपछि भारतमा इन्जिनियरिङ पढ्न गएँ । हिन्दी पनि सिकेँ । त्यसैले मातृभाषा शिक्षाका लागि बाधक हुन्छ भन्ने कुरा भ्राम मात्र हो ।’ उनले अगाडि भने, ‘यति मात्र हो भाषा सिक्न स्वयंमा दृढ इच्छा हुनुपर्दछ ।’
गुठीले मौलिक तामाङ गीतकार रञ्जना मोक्तान र कवयित्री रचना मोक्तानलाई कालिका तामाङ नारी प्रतिभा पुरस्कारद्वारा सम्मानित गरिएको छ । कार्यक्रममा गुठीका संरक्षक के.बी. सिंह लामाले प्रतिभाद्वयलाई खादा ओढाएर, प्रमुख अतिथिले ताम्रपत्र वितरण गरेर, गुठीका कोषाध्यक्ष नितु सिंहले मायाको चिनो वितरण गरेर र कान्तिपुर मेटलका प्रतिनिधि सुमी लामाले डाइरी र नगद पुरस्कार वितरण गरेर सम्मान गरिएको थियो ।
कार्यक्रममा सम्मानित प्रतिभाद्वय रञ्जना मोक्तानको तामाङ मौलिक गीत फापारे गीतीसंग्रह ‘रिन’ र कवयित्री रचना मोक्तानको कविता संग्रह ‘थोर्बा ग्यालाम’ माथि समिक्षक कृष्णकुमार लामाले चर्चा गरेका थिए भने गुठीका अध्यक्ष एवं लेखक रविन्द्र तामाङले तामाङ नारी स्रष्टाहरुका कृति प्रकाशन इतिहास र प्रकाशित कृतिहरुका बारेमा चर्चा गरेका थिए ।
कार्यक्रममा पुरस्कारद्वारा पूर्वसम्मानित तामाङ नारी स्रष्टाहरु सृजना गोले, बिना थिङ र हिरामाया घिसिङले आ–आफ्ना सिर्जना वाचन गरेका थिए भने धनकुमारी घिसिङ र संगीता थिङले फापारे गीत प्रस्तुुत गरेका थिए ।
गुठीका संरक्षक के.बी. सिंह लामाको सभापतित्व र रुवि योन्जनको सञ्चालनमा सम्पन्न कार्यक्रममा यसभन्दा पहिले प्रतिभा पुरस्कार प्राप्त तामाङ नारी स्रष्टाहरूको २ मिनेटको भिडियो क्लिप पनि प्रस्तुत गरिएको थियो ।
