राष्टृय गाण
“तेमाल म्हाबार गङ्नोन गाङ
अबिनी खैमै डुइतेन नम”
ए राष्ट्रबादिहरु
तिमिहरुले यो गित सुनेको छौ ??
मलाइ कन्ठ छ
“सिसाम तामाङ सितोबा
बामान कुर्सिरी चितोपा”
किनकि
यी गितहरुले मेरो प्रतिनिधित्व गर्छ
मैले कयौ चोटि
माइला लामाका गितहरु कान चिमोट्दै सुनेको छु
त्यो भन्दा नि
मेरो हजुर आमाले गुनगुनाउने
“लानान्तजी सेम्लाताम नाङ्सी थान्बा
थे ज्यार्दिसे नकिता राङ लासी चाउ पाङ्बा”
कन्ठ छ
तर
कस्सम मलाइ राष्टृय गाण याद छैन
मलाइ देशको यथाह माया छ
म देशको लागि रगत बगाउन तयार छु
तर
मलाई देशले आफ्नो नागरिक नस्विकारेको कयौ रोदन छ
मलाइ पीडा छ
म देश भित्रै अनागरिक छु
नपत्याए
गाई मारेको अभियोगमा थुनिएका मेरो दाइलाइ हेर
10 बर्ष भयो दाइको छोरी बलत्कार पछि हत्या भएको
हत्यरा पत्ता लागेको छैन
कहाँ छ ग्यान भुमी,शान्ती भुमी ??
कहाँ छ ?
बहुल जाती भाषा धर्म सस्कृती विशाल ???
हिजो मात्रै
भगवान पुज्न वास्त्र सहित
मन्दिरमा छिर्नै लाग्दा छिमेकी काका मारिए
दलितले मन्दिर छिर्न खोजेको आरोपमा
गाइको छाला बाट बनेको च्याब्रुङ बजाएको आरोपमा
समातिन्छ पुर्बका राई लिम्बुहरु
गाइको कलेजो बिना स्योप्टो मन्छाउन नमिल्ने तामाङहरु
समातिन्छ गाई काटेको आरोपमा
तर
हरेक साल घोडाको जत्रो लानो हल्लाउदै
कयौ साधुहरु पशुपतीमा मन्दिर भित्रै शिवरात्री मनाउछन
बहुल जाती भाषा धर्म सस्कृती छ विशाल
यो पङ्ती मैले कहाँ महसुस गर्न पाए
र याद हुन्छ ??
जहाँ
दलित भएकै कारण मरिन्छ
गाई काटेको आरोप मै थुनिन्छ
गरिब भएकै कारण बन्चित हुन्छन सरकारी सेवाबाट
महिला भएकै कारण घरेलु हिंसामा परिन्छ
मदेशी भएकै कारण हेपिन्छ सहरमा
आफ्नो मातृभाषा बोल्नै पाउदैन सरकारी अड्डाहरुमा
उद्पिडित जाती बर्गको समानताको आवाज सुन्नै खोज्दैन
यो अबस्थामा
ए माचिक्नेहरु
म कसरी कन्ठ पारेर हिड्न सक्छु
मेरो जिबनमा नै मेल नखाने राज्यको रमिताको धुन ?
म राज्यले बनाएको लाटा हु
मलाइ राष्टृय गाण गाउन आउदैन
देशको माया छ
धुन बज्दा आशाबादी भएर शिर निउरेर देशको सम्मान गर्छु
ए माइक बोकि हिड्ने राष्ट्रबादिहरु
मलाई राष्टृय गाण कण्ठ हुने बाताबरण देउ
राष्टृयताको द्वास होइन
यो देश मेरो पुर्खाको रगतले सिजिएको छ
मलाइ माया छ
आफ्नो भन्दा धेरै
इतिहासको कुनै काल खण्डमा
मेरा पुर्खाले देशका लागि रगत बगाए
बर्तमानमा कहि कतै
देशले रगत मागे मेरो बलि चढाउ
तर
देश भित्र देशको अनुभूति गर्न देउ
यस्ता गितहरु त
लाखौ लेखी गाउदै सुनाउला
तर
ओइ मास्सालेहरु
गित संग मेरो राष्टृयता नदाज
म भावनामा होइन
दायित्वबोधको पक्षमा छु
धन्यबाद
